子淇證非孖胎佗兔仔

「千億新抱」徐子淇為生仔一追再追，今次第三度懷孕，其父母前晚親證她並非懷孖胎，但問到是否佗仔時卻未有否認，還表示待女兒親自公布喜訊，似暗示子淇今次追仔成功。

去年除夕，恒基主席「四叔」李兆基親口承認新抱徐子淇懷有第三胎，雖然大仔李家傑已為李家誕下三胞胎男孫，千億地產王國不愁沒有繼承人，但子淇自06年嫁給「二少」李家誠後，連生兩位千金晞彤及晞兒，四叔心急講明如果子淇再生女，他會很失望。

徐父暗示添丁

既然老爺金口已開，現年28歲的子淇定必更加努力添造人，有傳懷今胎之前，她四出尋求隱世生仔秘方，希望一擊即中。至上月底，有消息指子淇腹中塊肉是慈姑椗，更懷下孖胎，李家誠即送巨鑽獎勵，實行等5月擇日開刀！不過，子淇父母徐傳順與彭雪芳前晚出席活動時，談到已懷孕6個月的子淇，表示已知外孫性別，問到是否起孖？徐母說：「肯定唔係！」至於是否佗仔？徐父未有否認，只說：「都係由李太（子淇）自己講啦！」似暗示子淇終如願為李家添男孫，故留待她親自公布喜訊。

陪老爺遊日本

問到子淇如何度新歲？徐父說：「同老爺去咗日本旅行！（佢好大壓力？）行程安排得好輕鬆，玩得好開心！新年快樂！」

至於子淇的好友陳君宜接受電話訪問時表示，不知子淇今胎並非起孖：「佢有BB之後只聯絡過一次！（佢今次係仔定女？）未知，我諗佢仔女都冇所謂，都係自己生，開心就得！」