Rosemary訪柬埔寨吸收正能量

名模Rosemary在美國的官司未了，目前暫停工作的她，早前到柬埔寨進行慈善探訪，體驗貧窮，令她獲益良多。

名模Rosemary去年在美國闖禍，其中涉嫌供應毒品，日前獲改控較輕的藏毒罪。現處於休息期的她，趁新春假期偕母親Julie及好友黎曉靈（Kimmy）到柬埔寨進行慈善探訪，Kimmy昨日更在微博上載不少照片。Rosemary昨日接受電話訪問時說：「我哋跟《開心樹社會服務》去柬埔寨探訪，送咗啲書同禮物畀小朋友，仲睇到從未見過嘅生活，我哋分別去咗三個地方，一個喺垃圾山，係當地嘅貧民區，啲小朋友喺垃圾堆執嘢嚟賣，我睇到好心痛！不過，佢哋依然流露開心嘅笑容，而且好容易滿足，畀一粒糖佢哋已經好開心，我亦從中吸收到好多正能量！」她又透露曾探訪孤兒院及愛滋病童，了解他們如何掙扎求存，令她明白到要珍惜所擁有的一切。

Kimmy慨嘆聰明無用

至於《擁抱國際基金會》創辦人Kimmy，在微博寫出此行的感受，她坦言被小朋友的天真微笑感動，臨別前更眼泛淚光承諾會再次探訪。她又慨嘆雖然當地小朋友天資聰穎，可惜社會制度及生活條件阻礙他們的發揮。