模特兒傅嘉莉去年狂接廣告及拍戲，發展不俗，日前她到大坑蓮花宮還神，祈求新一年事業順利，她說：「希望公司愈做愈好，屋企人平安健康，咁我做嘢都會安心啲！（唔求姻緣？）冇呀！唔心急，想努力多幾年，話唔埋第時結婚就唔做嘢o架喇！」佛教徒傅嘉莉更求籤問自身，被指驛馬星動，有不少出外工作的機會，她說：「舊年我都去過日本、泰國做嘢，希望有更多唔同嘅機會啦！」不過，她被批會遇桃花劫及失財，令她大為緊張：「相士叫我出夜街要小心啲！嚟緊我屋企裝修，都要睇實啲貴重嘢喇！」
傅嘉莉誠心拜神，為家人祈福。
