William送Fun禮冧阿Sa

今日是西方情人節，熱戀中的蔡卓妍（阿Sa）與陳偉霆，雖然早前蜜遊泰國提早慶祝，但她昨日仍「出口術」，期待收到有心思禮物！

與陳偉霆（William）拍拖後首次過情人節的阿Sa，昨日「叉足電」出席新碟《Sweetest Day》簽唱會，吸引數百名粉絲撐場，並大玩情人節遊戲，場面熱鬧。

兩人新春期間蜜遊泰國提早慶祝，順道預支蜜月，雖然遭偷拍，但沒有影響拍拖興致，阿Sa直言好好玩：「我哋知畀人影，但冇理到，仲去埋巴東游水。（指你哋禁室培慾？）第一日發現有記者跟，之後已經行後門走。」阿Sa替William所拍的大隻仔泳褲照早已在本報曝光，她甜笑說：「兩個人去，唔係佢影我，就係我影佢。」問到男友的「爆肌」身材靚還是海灘靚，阿Sa即害羞地說：「兩個都靚！」她又坦言穿着三點式戲水：「唔通着一件頭咩？（泳照珍藏放在床頭）考慮吓！」阿Sa激讚男友身材正，問到對方有否反讚她身材好？出名「微波」的她不禁自嘲：「咁假都講得出，咁講我都質疑！」

向前夫送祝福

雖然今日是情人節，但適逢公司春茗，阿Sa表示已準備好充滿心思的禮物，問到是否自製禮物？她說：「一半一半，我都期待收到一份有心思嘅禮物！」對於有相士批「陳蔡戀」今年分手收場，她對戀情信心十足地說：「我覺得命運掌握自己手上，信自己！（有信心長久？）依家幾好。」提到前夫承認與有線女主播余思敏拍拖，阿Sa亦送上祝福，希望大家都幸福快樂。

至於William則表示早知情人節撞正公司春茗，故與阿Sa到泰國旅行度歲兼提早慶祝，相當浪漫。他與女友同樣重視首個情人節，問到會否贈送名貴禮物？他故作神秘的說：「禮物實有準備，希望畀驚喜佢，禮物唔係睇價值，最緊要揀啱對方心意。」

另外，劉嘉玲昨晚在微博上載一張一男一女的拖手滑雪相，並預先祝福有情人：「Happy Valentine's Day！」雖然相中男女由頭包到落腳，看不清楚是否偉仔和嘉玲，但仍獲不少網友祝福及大讚二人是模範夫妻。