張致恒問候超雲網友開火

曾與何超雲和何超蓮鬧緋聞的周柏豪，早前被陳山聰暗寸他黐住兩位何家淑女博見報，引起不少是非，豈料曾與超雲傳緋聞的張致恒（Steven），亦慘遭禍延！但Steven今次被網友狂寸，事緣超雲在微博上載夾傷手指相片，Steven旋即留言慰問，超雲亦禮貌地回覆他：「我沒事！放心吧！朋友仔。」但署名「不想歸家的人」的網友，卻留言給Steven挑事端：「幾時同你做咗朋友？請自量。」Steven即反擊：「吓？朋友問候都要自量？」言語間甚重火藥味，幸Steven獲網友力撐，指朋友問候屬正常事。另一何家淑女何超蓮，在微博透露好友越洋送贈的情人節禮物，超蓮還祝福各位粉絲情人節快樂。

另一邊廂，柏豪昨日出席慈善活動時表示，今日情人節要錄音，沒有約會，問到會否約何超雲？他說：「唔會喇！我同佢冇私下見面。（佢整親手指！）都有簡單問候，相信冇大礙！（陳山聰喺微博同你開火？）當陳先生誤會，唔會特別避忌唔寫嘢（上微博）。（賭王一家爭產？）一團和氣！」

此外，超儀老公陳子聰前晚與樂隊24味演出《MUSIC BATTLE Band騷》。對於外父何鴻燊擬入稟法院控告二、三房成員，子聰說：「No Comment！（擔心太太何超儀？） No Comment！」但他睇好太太今年可奪得香港電影金像獎影后：「對手好強，有提名已經係一種榮幸！」