伊健預告個唱空中舞

將於下月初舉行演唱會的鄭伊健，昨日在Canon活動上獻唱新歌：「依家排緊舞，有少少危險動作，會孭住對翼喺空中飛同跳舞，有幾十磅重o架！」他笑言已邀錢嘉樂任嘉賓，在後台負責威吔部分，至於表演嘉賓，他則大賣關子：「有兩個火辣女郎，錢國偉有揀嘅，可能係雜果！另外仲有唱家班，同埋靚仔男嘉賓。」另外，他為大會的攝影比賽擔任評判，問到有否為女友蒙嘉慧影相，他說：「冇乜影合照，有都係畀人偷拍！」

至於4月開騷的鄭少秋、汪明荃及喜多郎，早前在記者會見面後即成好友，發言人新娛國際負責人丘亞葵說：「本來因為成本問題請唔到喜多郎太太，但喜多郎好欣賞秋官同阿姐，即刻邀請太太做鍵琴手助陣！」

Fans上台獻花，令伊健喜上眉梢。