羅泳嫻靠「小火箭」保濕
無綫藝員羅泳嫻（Iva）自從在日本美容大學留學三年，返港後便成為「美容達人」，個個都爭住問她有關美容的最Hit資訊。近來Iva發掘了一套極保濕的護膚套裝，最適合貪靚女士冬天使用：「我最鍾意周圍搵啲古靈精怪嘅護膚品，買到成屋都係！我本身個嘴唇好乾，好多唇膏都細細支好易唔見，呢支唇膏除咗可以搽嘴之外，仲可以當埋眼霜搽，一支兩用，好方便！」
酷愛化妝的Iva認為保濕做得好，妝容一定會更持久貼服，近期她的新寵是一支支貌似小火箭的魚籽精華素，無論化妝前或臨瞓前都可以搽：「我個人好懶，呢隻精華素啲分子好細粒，吸收得好快，搽完可以即刻上妝，唔使等，同埋佢唔會太油，搽完塊面都唔會黃。」這套護膚套裝還包括晚間潤膚霜及眼霜，家中放有一套就可安枕無憂！
冬天Iva會較着重護膚品的保濕功能，但夏天則會着重護膚品的防曬功能，所謂「一白遮三醜」，美白工夫當然要做到足！
塗上這瓶速乾魚籽精華素可即時上妝，最適合羅泳嫻這類既貪靚又懶惰的女士！
羅泳嫻家中的護膚品堆積如山，最近發現了一套極保濕的護膚套裝。