梁詠琪情獻

甜蜜的愛情向來是「回春」的靈丹妙藥，事業愛情皆得意的「高妹」梁詠琪（GiGi）與孫耀威（Eric），雙雙得到愛神眷顧，感情生活各自精彩。現時仍有不少藝人避談戀情，甚至視之為「死穴」，難得兩位「童顏帝后」已卸下偶像包袱，不再如以往避忌，可以放膽去愛！

文：戶冊平　攝：司徒國榮

不經不覺，「高妹掌門人」梁詠琪已加入娛樂圈15年，於月底第三度踏上紅館舞台，舉行《梁詠琪巡迴演唱會—香港G夜》。闊別紅館舞台八年，GiGi十分期待：「以往嘅騷似考試過關，今次嘅心情好唔同，好想快啲演出，好享受綵排過程，時間又充足，加上有之前北京演唱會打底，同埋呢幾年演出經驗豐富咗，各方面都有進步，所以好期待。」

有意淡出幕前

入行多年，GiGi已累積不少分數，現時是換取積分的良好時機，她說：「以往喺音樂同電影都累積好多分數同經驗，令我更加輕鬆，我以做藝人為一生事業，好多嘢都唔可以急，每個決定都對呢個『長途賽』有影響，人生唔係一個短期投資，最緊要做得開心。」

GiGi近年積極擴展內地市場，成績理想，問到是否狂吸金？她謙稱：「我打開華語市場比較早，頭十年已經努力搏殺，有好成績都要感恩，依家唔會以錢行先，凡事以錢行先係好短線，我喺蕭芳芳同張艾嘉身上， 學識重質不重量，盡量令生活及工作取得平衡。」她自嘲是辛苦命及舟車勞頓命，問到會否慢慢淡出幕前？她說：「係有諗過，但我本身鍾意求變，同埋有興趣做呢行，之前做旅遊節目去墨西哥，令眼界擴闊咗，個人放開咗，識得要享受。」

開騷「唱」伊健

自言享受工作樂趣的GiGi，戀情多姿多采，感情路上曾經歷不少考驗。近年她情傾老外，與現任男友駐港美國領事館總領事發言人Matthew感情穩定，對戀情不再如以往三緘其口，反而不置可否，去年Matthew還曾赴北京欣賞演唱會，為女友打氣，認真甜到漏！明天便是一年一度的西方情人節，惟GiGi要在工作中度過：「要為演唱會排舞，我好珍惜今次個唱，所以都要有所犧牲。（佢詐型？）唔會嘅。」問到會否邀請Matthew睇騷？她說：「會請，但佢仲未決定係咪睇，因為之前已經睇咗北京演出，所以仲考慮緊。」談到現時的愛情觀，她表示一切順其自然，又謂不會在個唱刻意分享感情生活，但會精挑細選四首金曲，送給以前戀人、未來戀人、以前的自己及未來的自己，透過歌詞表白心聲，還希望能勾起同齡女性的回憶！GiGi滿意現狀，問到是否「睇開咗」？她說：「係更加認識自己，對於幸福嘅定義，有自己見解同睇法，唔需要一個特定模式，去行想行嘅路。」