Baby李亞男大展紅圖

過新年人人要大紅，一眾女星都將利是封着上身！時裝評論人張學潤（Nelson）提醒着紅色切忌娘味，大讚Angelababy紅得夠時代感，但楊秀惠的Mix & Match則失手收場！

Baby 青春簡約

簡單有特色，有時代感，以佢年紀，本身着紅色好易變娘，但加咗啡色皮元素即刻青春晒！

鄧紫棋 老氣橫秋

條裙太老唔啱佢年紀，成個打扮太老積，冇晒佢嘅年紀同青春，雖然衫凸顯到佢美好身材，但係佢應有嘅就有，依家又夠瘦，可以揀啲後生嘅款式，當然睇到佢呢一身打扮有努力過！

林欣彤 平衡失手

件衫唔啱佢身形，佢本身矮，睇落去好橫！着衫要講平衡，依家上又闊下又闊，拉唔到修長身形，下身着窄褲或者裙，會有時代感同型啲！

李亞男 完美曲線

佢本身身形好，又夠高，其實斜膊衫幾難着，唔夠瘦會變得好肥。佢Carry到，曲線同身段幾好睇！

王菀之 可愛娃娃

中式衫幾有新意，有娃娃Feel，配埋Leggings，平衡到，有過年氣氛之餘又有佢本身可愛風格。

呂慧儀 位置出事

呂慧儀條裙簡單有特色，容易着，不過好似有啲唔啱身，感覺着得太低，高少少會好睇啲。

楊千嬅 紅得太多

件毛毛褸好特別，好多隻色，但係裏面又全身桃紅，太襯，唔夠型！着條黑褲會型好多！

楊秀惠 配襯奇怪

中式衫襯呢條窄身褲好奇怪！件衫款式、用料同顏色太普通，周街都見到，其實唔好咁求其揀，依家好多中式衫都有加好多新鮮嘅設計元素。

Profile

著名時裝設計師兼形象指導張學潤（Nelson），在娛樂圈打滾近廿年，審美眼光獨到，評衫作風大膽敢言，在行內有「時裝判官」之稱。