提早收情人節禮物 Theresa唔急拍拖：觀察吓先

單身一族傅穎（Theresa）、「巨E法拉」梁雅淳（Bambi）、「翻版大S」李宥彤（Liz）及「星光家族」譚杏藍（小花）、蔡梓銘及陳蕾（豹哥），情人節亦不愁寂寞。曾暗示被羅仲謙欺騙感情的Theresa選擇到外地進修，但由於抗拒異地戀，故不打算趁機找男友。她還自爆已收到男士禮物，問到二人的關係，她說：「觀察吓先！」從未追男仔的她，卻鼓勵女士放膽出擊，並即席教畫示愛圖及教男士畫圖回禮。

Bambi心太軟冧仔

至於Bambi與Liz則晒廚藝，炮製心太軟誘惑男士，即將推出烹飪書的Bambi用草莓茸鋪心形，Liz邊整邊偷食，但製成品亦頗有水準，她還自爆冧仔失敗：「有男仔主動約我，咁啱約喺情人節，我整咗一大桶朱古力畀佢，點知發現佢唔鍾意食，最後都冇一齊。」

而3位「星光家族」則相約食大餐，蔡梓銘坦言想找結婚對象，並自爆出道時曾戀上女記者：「交換電話咪有聯絡囉！但因為年紀關係，最後冇一齊。」戀愛經驗豐富的小花，今年與媽咪度過首個單身情人節，而豹哥則直言愛實際。