唐素琪出嫁側田嘆走寶
鄧麗欣前師妹唐素琪（Sukie）前晚與拍拖6年的髮型師男友張思偉，假陽明山莊筵開14席婚宴，好友側田、小肥、方皓玟、朱紫嬈、港姐季軍莊思明及孖生家姐莊思華等到賀，側田更與Sukie合唱一曲，又大讚新娘可愛又聰明：「心諗邊個娶到佢真係執到寶！點解呢啲好嘢永遠冇我份呢！」婚宴後，大家開Party繼續狂歡，新娘被側田及小肥狂「隊」，飲到「啤啤夫」的新郎亦無力救駕！榮升張太的Sukie只小休一天，今日即與老公飛往北海道度蜜月，回港後進軍兒歌界搵奶粉錢！
側田與Sukie合唱一曲，祝一對新人新婚快樂。
莊思明（左）及孖生姊姊思華（右）結伴到賀。
朱紫嬈（左起）、方皓玟及小肥（右）與一對新人合照留念。