許冠文呷醋禁Sam搶鏡

香港的棟篤笑始祖許冠文，將於本月16日在紅館放笑彈，雖然當天是太太生日，但他依然擺太太上枱搞笑，不過他無意搵弟弟許冠傑做嘉賓，以免被搶鏡！

許冠文（Michael）相隔逾5年再踏紅館舉行《許冠文棟篤笑2最後警告》，原因是「借騷敬老婆」，原來當日是其太太牛一，但他依然擺太太上枱惡搞一番，他笑說：「因為佢係全世界唯一唔會嬲我嘅女人！」他更取笑身旁的太太：「佢幾十歲人，仲染到成頭紅髮，打扮成個妹咁。」問到會否請弟弟許冠傑（Sam）做嘉賓，他說：「一定唔會畀佢上台，因為次次佢嚟，啲女人都發晒癲大讚佢靚仔，又想咀佢，最多都係讚我可愛！（係咪呷醋呀？）我係好呷醋，我只會請佢嚟睇。」

「痔瘡論」談緋聞

Michael強調再開騷絕非為賺錢，因演出的收益扣除開支後，將全數撥捐慈善機構。問到會否將緋聞擺上枱娛樂大眾，他坦言正有此意，因他很明白港人的八卦心理，加上認為逃避並非對付緋聞的最佳方法，並打個比喻說：「正如人哋話許冠文生痔瘡，我出嚟話唔係，啲人更加覺得我係！」

談及不少後輩搞棟篤笑賺大錢，包括黃子華、王祖藍、張達明及林海峰等，Michael認為是好事，因棟篤笑的幽默感可化悲憤為歡樂。他認為黃子華的風格最接近他，因大家都不靠造型、舞台、道具及扮女人取悅人。