LizIvy望脫剩女行列

陳靜同門師妹Liz和Ivy踏入兔年拒做「剩女」，努力學搓湯圓望圓拍拖夢，再出動桃花林催運，希望新的一年甜甜蜜蜜行大運。

有「翻版大S」之稱的李宥彤（Liz）和「模才女」蔡瑩瑩（Ivy）同是「百果園咪神」陳靜師妹，送虎迎兔，她倆祈求盡快脫離「剩女」行列。為達成目標，兩人學搓湯圓，希望食過湯圓可以「慶團圓」，Liz說：「真係完全冇人追，趁新年買番啲桃花，其實早前去到大型商場見到有棵大桃花，我已經靜靜雞扮搵人行咗三個圈喇！希望有用啦！」

而Ivy搓湯圓時雞手鴨腳，她說：「屋企一向都係買製成品，未試過自己搓湯圓，今年冇男朋友，一於整畀屋企人，等佢哋試吓我手勢先，希望大家食完都甜蜜蜜。」

望事業有突破

踏入新一年，除了望有愛情滋潤，她倆更希望事業有新突破，Liz說：「上年開始拍戲，希望今年啲作品同大家見面之後有更多機會，因為試過之後真係幾鍾意演戲。」Ivy則表示會有多個廣告推出，同時更有機會出書做名副其實的才女：「只要有新嘗試我都好期待，總之就繼續努力啦！」