甄子丹太太汪詩詩與妹妹汪圓圓，日前舉家前往澳門過春節，二人向來賭運不俗，不過今年卻損手而回。詩詩表示老公甄子丹也有同行，他為免被認出，全程包到冚上陣，她笑說：「我差啲認唔出佢，不過有人一眼就認到甄子丹。」
另外，詩詩與圓圓亦有入賭場，問到戰績如何，詩詩洩氣地說：「子丹唔賭錢，佢坐喺隔籬陪我哋，佢之前演過關公，關公旺偏財，第一日我哋真係贏錢，第二日佢瞓着咗，搞到我哋輸錢喇！」
汪詩詩（右）和汪圓圓到澳門度歲時，入賭場敗北而回。
