「台柱」鮑姐：唔可以作準！
對於亞視春晚星光熠熠卻只得三點收視，「台柱」兼主持鮑起靜說：「係有啲失望，不過亞視自己搵香港大學做嘅收視調查報告仲未出，所以呢個三點收視唔可以作準！（其他因素影響？）宣傳唔夠啦！論牌面，紅星陣容唔輸蝕畀無綫個除夕騷，而且氣氛仲好好！」至於亞姐呂晶晶則乘機賣口乖，讚老闆王征有創意：「香港未試過搞春晚，五小時嘅節目唔易做，亞視都肯試！（晚間新聞零收視？）有啲驚訝，可能觀眾第二日要早起身返工啦！」而黃麗梅則將收視不濟歸咎於長假及觀眾外遊：「央視做春晚咁大陣容都畀人插啦！我哋亞視得3點，都係因為觀眾出Trip啫！個節目聲勢強，係亞視近期少有，所以士氣好，唔使理收視啦！不過我知自己嘅《賀年兔餐好味道》有4點收視，要食飯慶祝！」
擔任亞視春晚主持的鮑姐，對收視偏低感失望。（資料圖片）
呂晶晶讚老闆有創意兼勇於嘗試，亦希望亞視加油。（資料圖片）