Annie G.3招吸金VS Hidy神雀問卜

新舊八模分拆上市賀年，舊八模的SugarBeez孖MonsterBeez教大家向老闆逗開工大利是；新八模的OctoBeez則到廟街向「神雀」問卜。

人人都希望新春(逗)多些利是，身為「打工仔」的舊八模SugarBeez和MonsterBeez聯群結隊，提早返公司向老闆(逗)開工大利是。穿得一身「紅噹噹」的Hailey C.以人肉示範：「第一招，新正頭當然要由內到外着紅色衫旺一旺佢，雖然成封『利是』咁，但行埋老細身邊都知你要(逗)利是啦！第二招，雖然返Office唔等於去人家屋企拜年，但兩手得『梳蕉』都唔係咁好，買盒裝糖果覺得『水』，就買個橙代表誠意，分分鐘仲可能收多封利是添！」

DaDa Lo旺財有方

拍檔Annie G.亦有溫馨提示：「千祈唔好着到黑漆漆，唔着紅色都着鮮色啲好。到第三招，如果遲咗返工，為免老細『詐詐諦諦』話派晒，最好準備定啲『吉』既利是封，咁就萬無一失。」

想事業愛情兩得意的A .Lin和DaDa Lo則向堪輿學家陳子才請教辦公室開運擺設，DaDa教路旺財方法：「子才兄講話打工仔係多勞多得，就要擺杯水喺西北方，千祈唔好搵杯蓋遮住。」

而OctoBeez則到廟街掃貨兼睇相，看看新的一年是否有運行！自稱神婆的Hidy無論對西洋的占星術，或是中國傳統的堪輿學也甚有研究，對「神雀問卜」極有興趣，神雀預示Hidy兔年紅鸞星動，大有機會結婚，笑得她見牙唔見眼，並甜絲絲說：「真係唔好咁快喎！我仲細呢！」鬼妹仔性格的Rika即藐爆Hidy過分迷信，但Hidy和Hazel一於少理，Hazel還向神雀祈求事業順利，希望可以在兔年交出好成績。