昨日大球場上演兩場賀歲波，球迷陳奕迅（Eason）和梁漢文（Edmond）現身捧場，兩人戴上黑超坐在觀眾席專心睇波。初時Eason睇到嘟晒嘴，表情多多，惟後來兩人卻耷低頭冇晒心機，Eason連黑超都除埋，未知是否不滿賽果呢？
本報記者致電Edmond，問到捧哪隊？他冇厘神氣地說：「睇緊波，冇嘢講！」Eason則至截稿前未回覆，據其助手表示，Eason正在放農曆年假，這幾天會陪家人過年，過幾日便要開工拍廣告和宣傳新碟，稍後要出外工作，忙個不停。
陳奕迅（右）與梁漢文戴上黑超睇波，七情上面。
