傑仔生日公開「老婆」 鞋鞋聲

蔡一傑前晚與圈中好友慶祝「年年廿五歲」生日，風騷到爆，除得袁詠儀及伍詠薇吻賀外，又無懼生日「鞋鞋聲」，大晒逾萬元新鞋賀禮！

草蜢成員蔡一傑前晚以DJ身份到中環夜店打碟，邀來兄長蔡一智、好友張智霖、袁詠儀（靚靚）、伍詠薇（伍姑娘）及老公練海棠、陳敏之和阮兆祥等，與他預祝昨日的生日。傑仔切蛋糕後，與好友舉杯飲香檳，還獲靚靚送吻做賀禮！

聽愛的宣言

問到生日願望？傑仔說：「身體健康，工作順利，嚟緊我會展示我多才多藝嘅一面，但係唔講得住，總之係『Out of草蜢舞台』以外嘅嘢啦！」他表示收到不少生日禮物，隨即舉腳展示新鞋：「過萬蚊嘅鞋！」還有鑽石耳環及無數祝福語。問到可期望覓得另一半？他表示06年時已說過會將所有時間及精神放在事業上，而他的「老婆」就是Fans。

至於與老公練海棠到場的伍姑娘，則自認是「心野」人妻，當眾和傑仔嘴對嘴錫了三次，又向傑仔發表愛的宣言：「我個心一早留咗一半畀佢，只係佢唔揀我。」她又笑言如果周汶錡在場更好，可以「兩女共侍一夫」。另外，蔡一智自言「有心有力」，不介意再生BB，生育要順應天意，一定不會考慮人工受孕，他自誇說：「因為我唔止有心有力，仲係『嘭嘭聲』，哈哈！」