為陪曉明冷落父母 甜爆Baby諗定做媽咪

陳偉霆舊愛Angelababy被發現於年初一與黃曉明在澳門甜蜜放煙花，昨日她在海港城出席《辛卯年金龍獻瑞及福星高照醒獅賀歲》活動時被問及此事，她說：「得初一一日假，我唔講喇！（係咪好Sweet？）過年好開心。」她揚言沒有時間飛上海陪父母，原來是將僅有的一天假期「奉獻」給男友，可謂戀愛大過天！問到為何陪男友不陪父母，她說：「爹哋、媽咪喺上海，我返唔到去，冇時間，不過佢哋好體諒。（公開戀情？）放過我啦！」活動上，她抱着BB唔放，並自爆很喜歡小朋友：「我將來會生好多個小朋友，不過未Plan幾時，順其自然啦！（黃曉明鍾唔鍾意小朋友？）你哋問佢啦！」

至於身在深圳趕拍電影《一場風花雪月的事》的黃曉明，早於農曆新年前已向工作室的員工大派利是，更為每位員工準備回家的機票。而他的新年願望是自己與親友及粉絲都身體健康、工作順利、大吉大利，並希望新一年多拍幾部好電影，以及有多點時間陪家人。