Zac又換畫速嗒新星Teresa

《歌舞青春》偶像男星Zac Efron早前才被指翻撻前女友Vanessa Hudgens，但日前卻被拍得與澳洲女星Teresa Palmer態度親暱，換畫速度之快媲美「百米飛人」保特！

向來被視為金童玉女的Zac與Vanessa，去年12月分手後，及至上月便被拍得在夜店纏綿，令復合之說甚囂塵上，但看來一切只是煙幕！事緣Zac大前日在洛杉磯偕比他年長一歲的《魔法童話夜》女星Teresa Palmer，出席其新片《Take Me Home Tonight》放映活動後，目擊者稱二人在慶功派對上拖手及深情對望，態度親暱！其後，他倆結伴到Voyeur夜店狂歡，並孖實飲酒跳舞，據知情人士說：「佢係咁搣Teresa個屁股，又跳辣身舞，跳舞嗰陣又咀咗兩次，而且佢哋冇刻意迴避，見佢哋咁公開親熱都好驚訝！」全晚形影不離的二人，夜蒲一小時後便雙雙離開。

現年24歲的Teresa可算荷里活冒起之星，曾分別與丹尼爾烈格夫及尼古拉斯基治合演《12月男孩》與《魔法師的門徒》。其實，她有「喺度食喺度屙」的前科，曾先後與拍檔布蘭德及Topher Grace傳出緋聞。

Vanessa寸爆贈興

這邊廂，Zac與新歡打得火熱，那邊廂，Vanessa亦不甘示弱，她近日受訪時透露愛嘗試新事物，並表示希望推出個人品牌時裝，莫非暗示已玩厭Zac？而Teresa日前受訪時則大讚Zac是甜心，大有擺明車馬乘虛而入的企圖，看來兩女的「爭仔戰」精彩度不遜於賭王家族的爭產糾紛。