阿倫為香燈焗做齊人

溫拿樂隊於農曆新年舉辦演唱會，五子在台上互「唱」情史，陳友寸譚詠麟（阿倫）為繼後香燈而左右逢源，害得阿倫尷尬難言。

前晚《溫拿38大躍進演唱會》在紅館開鑼，為配合農曆新年氣氛，溫拿穿紅色軍裝登場，更準備了巨型的伸縮魚網撈利是，觀眾踴躍「投籃」，鍾鎮濤（阿B）特別帶同女兒鍾懿合唱，鍾懿甚有大將之風，邊唱邊收利是，而「沉默是金」的葉智強及陳友亦大開金口，跟彭健新又唱又跳。

阿B女細老婆「亂」

演唱會設有互「唱」環節，大唱五子的愛情經歷，阿倫新正頭不惜犯禁，他說：「健仔平時對住老婆嗰陣好似隻死狗咁！冇晒地位，搞到健仔有重病─氣管炎（普通話音：妻管嚴）。」陳友見狀即時反擊，用歌曲《Torn between two lovers》寸阿倫陷於兩段情之間：「犯規都有原因嘅，阿倫係屋企獨仔，要保守一啲傳統規範，要繼後香燈！So Happy together......（《Happy Together》歌詞）。」阿倫聞言即一臉尷尬，轉移攻擊阿B，笑他高矮肥瘦、貪才、貪財的女人都有：「你認真係女細老婆『亂』，要好好保持最Fit身形！」

完騷後，問到阿倫為何不露肉？他說：「我哋唔刻意，唔係賣呢啲！」他踢爆其餘四子未有跟稿讀，在台上亂爆情史，問到會否不開心？他說：「見仁見智啦！」