Rainbow紅底谷旺賭運
女子組合冬甩的3位成員胡心諾（Rainbow）、曾寶玲（Ar Yu）及劉瑋欣（Vilian）祝賀讀者兔年快樂、財源廣進！為食的Rainbow，更大講賀年食品難忘事：「我鍾意食年糕同馬蹄糕，試過一次過食晒全盒嘅開心果而畀媽咪鬧！（唔驚肥？）我不嬲都食好多嘢！」Rainbow食極唔肥，令向來克制的Vilian大感羨慕。
至於Ar Yu則坦言家人十分傳統，每年都會幫手打掃：「屋企新年有啲禁忌，好似唔准洗頭同打爛嘢！」Vilian自爆新年有買新衫的習慣，更會買紅色內衣攞好意頭，Rainbow即附和：「聽人講着紅色內衣會旺啲，會贏錢，我信o架！」提到新年願望，Rainbow希望事業步步高陞，Ar Yu及Vilian則希望行桃花運，Vilian更自認迷信：「有時行過商場見到桃花，我都會兜番一圈！」
曾寶玲（左起）、劉瑋欣及胡心諾鬥擺賀年甫士，夠晒應節！
Rainbow趁新春回暖露少少，希望谷起事業。