Baby澳門拍完拖狂隊酒

和內地男星黃曉明在澳門拍拖放煙花跨年度歲的Angelababy，兩人昨日在微博不忘隔空傳情，潮玩財神App，更將靚樣Key上財神海報上！Baby又於年初一相約工作人員暢飲度歲練好酒量，更自爆飲一啖酒即面紅。

多次和內地男星黃曉明拍拖斷正、但堅持不認的Angelababy，繼年三十晚和愛郎在澳門跨年放煙花後，向來事業為重的她，把年初一這天唯一的假期，也相約工作人員暢飲歡度新歲，原來是順道練練酒量！

將在新戲飾演酒量甚佳角色的Baby說：「我偏偏對酒敏感，飲一啖都會皮膚敏感，飲酒係一個難題，但我就係想克服佢。之前試飲一啖即刻面紅，好彩冇痕，過兩日我又再飲，雖然都係敏感，但比之前好好多，我相信可以成功克服。年初一成班工作人員陪我練酒量係好難得！我想試吓飲醉酒，對角色同演技都有幫助。」

畫兔仔應節

片約不斷的Baby今年除繼續跟夏永康合作外，亦會全力進軍影壇，更坦言今年是人生轉捩點：「希望大家睇到一個日漸成熟、已經脫離模階段嘅Baby。」

Baby除親手畫了一隻可愛的兔仔應節外，更手執一個「福」字揮春，寓意全年捧「福」大笑：「舊年不停飛去做嘢，結果捱病咗至少幾個助手，但我就愈做愈精神，希望今年個個龍精虎猛！」

另一方面，昨日Baby與黃曉明在微博不忘隔空傳情，除了同步回應共同朋友的桃花照外，又一起潮玩財神App，更將自己靚樣Key上財神海報上載微博！

文：名人組