林欣彤桃花運隨緣 偕巨聲孖仔炮製年糕

林欣彤（Mag）與「巨聲1幫」的「大細孖」周志文和周志康，新正頭齊齊炮製年糕，希望今日年初三赤口大家掛住食不用說話犯禁。最喜歡過農曆新年的Mag表示，朝朝都有年糕、蘿蔔糕吃，想起也開心，但為了保靚聲亦要戒口：「平時我已經好少食零食，但我又鍾意食辣嘢、煎炸嘢，惟有盡量忍口，依家一食親燒味、油膩嘢就會『封喉』。」

拍照當日Mag正生病，故希望兔年身體健康。貴為無綫新一代　銀力超強的女藝人，工作量之多與病痛成正比：「最希望係身體健康啦！（行花市有冇買桃花，話可以旺觀眾緣？）係o架咩？唔知呀！（想唔想行桃花運？）隨緣啦！有就有、冇就冇，娛樂事業發展順利之餘，亦希望學業可再進一步！」

Mag餵周志康食蘿蔔糕，令身旁的周志文十分羨慕。