嘉玲偉仔食湯圓團圓
踏入兔年，劉嘉玲暫時放下忙碌工作，揚言與老公梁朝偉齊齊迎新歲：「我份人好傳統，好注重節日，過年、做冬、中秋，無論點忙，我都希望一齊過。（會唔會跟傳統，同偉仔食湯圓？）我好尊重傳統習俗，所以點都會做番啲，最重要係團圓！」
嘉玲又指對正月十五元宵特別有感覺：「西方情人節當然浪漫，但我對元宵好有感覺，因為好鍾意聽中國浪漫故事，例如牛郎織女，而且我鍾意猜燈謎，平日各有各忙，所以即使元宵呢類喜慶節日，我哋都會好珍惜，唔知係咪年紀大咗，覺得生命短暫，更加要珍惜眼前人，盡量爭取同自己鍾意嘅人一齊過。」
