李曼筠兔氣揚眉送走「苦年」
虎年對於「動漫Maggie」李曼筠來說可謂「苦年」，故她決定變身性感兔女郎兼攬真兔沾旺氣，並祝願讀者健康平安：「希望大家心想事成、身體健康，要愛錫自己多啲！」她大呻虎年運氣麻麻：「舊年年初一踩玻璃，之後又(界)親同畀貓抓傷，好多地方都有傷痕，搞到人哋以為我被虐打，真係好黑仔！」
對於有份參演賀歲片《最強囍事》，Maggie直言是最好的新年禮物：「我睇晒咁多套《囍事》系列，最鍾意係《家有囍事》張曼玉嘅角色『何里玉』！真係睇極都咁好笑！」此外，自認為食的她表示，每年均放縱狂擦：「細個一日三餐都狂食蘿蔔糕，一個人可以食晒成底！（唔驚肥？）一年放縱一次，食得是福嘛！」
Maggie擔心家中的三隻小貓欺負兔仔，故擱置養兔計劃。
Maggie主動餵兔仔食嘢及抱抱，令「怕醜兔」在伊人懷中唔願郁。
大呻去年「苦過弟弟」的Maggie，以兔女郎造型沾旺氣。