Milo玩得唔夠喉掃興

日前來港出席Christian Dior旗艦店重開派對的美國型男Milo ，接受本報獨家專訪，大談首度來港的秘聞！

憑劇集《Heroes》中救世主Peter Petrelli一角廣為亞洲觀眾認識的Milo Ventimiglia，日前應邀與張曼玉和韓星崔智友等出席Dior派對，他坦言事前不認識張曼玉等亞洲影星，希望藉此行加深了解及日後再來參演華語片！對於首度訪亞洲，他大感好奇：「唔知香港會係點，每個人都好友善，好想快啲感受呢度嘅文化，只係逗留幾日有啲唔開心，我會再嚟！」其後得知工作人員會帶他去山頂、旺角和馬騮山後，他顯得很雀躍，並帶備三部相機盡情留影。

睇好哥連妮妲莉封帝后

穿上一身Dior Homme窄身西裝的Milo十足男模般有型，談到穿衣之道，他說：「平時着T恤牛仔褲，隆重起嚟最鍾意着西裝。（因為咁而獲邀？）我相信係！我好希望能夠代表到品牌嘅型男風範。」他盛讚品牌西裝剪裁出色，簡單、經典而不過時。

自言是電影癡的Milo，已看過今屆奧斯卡十套入圍電影，還在Twitter批評十套提名電影太畫蛇添足，何不選埋十個準影帝和影后？他貼《皇上無話兒》跑出，並睇好哥連卓夫和妮妲莉寶文封帝后。此外，Milo覺得《Heroes》是其事業分水嶺：「對我意義重大，係我由後生仔變成男子漢嘅橋樑。」影視兩邊走的他曾在《洛奇：拳王再臨》中演史泰龍兒子：「佢每次都有備而戰，可以一次過睇佢執導、演戲同做監製，獲益良多。」最近他執導筒，自導自演網上短劇《Suite 7》。

毫無明星架子的Milo，自言是住家男人不愛蒲，寧留在家打機、看書和漫畫，最喜歡打足球Game。問到是否認識碧咸？他說：「我喺洛杉磯見過佢，亦遇過佢太太Victoria，佢好好人。」假如不當演員，他笑言會做外科醫生，因他讀大學時嫌醫科時間太長而轉攻戲劇。