黃百鳴玩轉年宵送假花冧閆妮

黃百鳴昨日帶同《最強囍事》內地女星閆妮，到維園行年宵兼派禮品，吸引大批市民搶奪。黃百鳴亦十分識做地向閆妮獻花，而他更被市民大讚「好O靚仔」！

黃百鳴昨日偕內地著名喜劇女星閆妮，到維園年宵派發賀歲片《最強囍事》的月曆和產品，大批市民蜂擁而上，更大叫：「黃百鳴好靚仔！」又讚閆妮靚女有氣質，逗二人歡喜。

買風車催運

攤檔老闆見兩位「財神」來臨，亦半賣半送賀年產品給他們。黃百鳴帶閆妮揀桃花，希望她在兔年人緣廣結。其後，他又買了兩個賀歲風車，預祝新一年鴻運當頭行大運。期間，黃百鳴突然買了一束花送給閆妮，嚇了伊人一跳，她說：「很久沒有收到花了，真的很意外！」

但閆妮細看之下才發覺所收的竟是道具花，黃百鳴即解畫：「鮮花會凋謝，假花代表永恒同長遠。《最強囍事》農曆新年上，做到情人節，所以咪送花畀佢囉！」首次在港逛年宵的閆妮，感覺年宵人多很熱鬧。農曆新年要返內地拍片的她，慶幸可率先行年宵慶祝。而黃百鳴大讚閆妮在《最》片的演出「物超所值」：「閆妮喺內地好出名，尤其喜劇方面，去年拎過好多最受歡迎女演員獎項，今次佢加入我哋劇組演出，真係如虎添翼。」

此外，薛家燕到另一攤檔宣傳家燕媽媽暖手咕o臣。對於無綫有新老闆加入，家燕姐笑言希望可以加人工及製作更好的節目。