洪卓立蝦碌爆粗愈兜愈亂

前晚洪卓立（Ken）舉行處男音樂會，竟爆粗說：「William（陳偉霆）同我係同類，成日都畀人覺得係『寸XX』！」

前晚Ken在灣仔藝術中心舉行首個音樂會，好友泳兒、湯怡及洪杰等到場支持，歌迷全晚做「伴唱」。Ken翻唱容祖兒、何韻詩、楊千嬅及鍾舒漫的歌，氣氛熱烈，還邀得好兄弟William擔任嘉賓，並說：「我唔係好識講嘢，所以有啲人會覺得我好寸，William同我係同類，成日都畀人覺得係『寸XX』！」William即尷尬地笑問：「講咩呀？」但Ken似乎沒有發覺不妥：「佢仲有個好好嘅女朋友！」William聞言即叫停，場面搞笑。

齊跳騎呢舞

雖然疑似爆粗，但兩子合唱《Do You Wanna Dance》時顯得相當投入，Ken罕有地跳舞，又拋媚眼兼咬唇扮女仔，William則搞笑地作狀挑逗！事後，Ken坦言委屈了對方：「要個咁叻跳舞嘅人陪我跳埋啲騎呢舞，遲啲真係要請佢食飯。」負責編舞的William笑說：「我睇到佢咬唇，已經唔想再跳落去！」對於疑似爆粗，William主動為好友解釋：「佢講『寸實實』呀！」Ken則說：「佢啲肌肉實吖嘛，我啲肌肉腍咪『寸腍腍』囉！（緊張到亂講？）我講嘢比較直，台上嘅嘢都冇度過，諗到乜就講乜。」