君如：霸得一格得一格 志偉「兩房論」撼燊聞

早前丁父憂的曾志偉，昨日收拾心情，偕吳君如、林欣彤、李治廷、呂慧儀與高海寧等《我愛HK開心萬歲》演員到商場及旺角行人專用區派揮春及利是封。談到賭王何鴻燊家族爭產及無綫易主等新聞「雄霸」港聞及娛樂版，志偉笑言宣傳未受影響，被問到有否煩惱如何「分身家」時？他說：「我得沖涼房同廚房『兩房』，又冇咁多錢，唔使分配，最開心係啲仔女都自力更生！」至於亡父曾啟榮的遺產，志偉表示早已被廉政公署充公。對於有指陳國強入主無綫後，欲邀他與陳百祥（阿叻）協助，志偉謙稱不擅擔任管理階層，亦無意退居幕後：「阿叻就似做軍師，口噏唔使負責任，叫埋阿倫（譚詠麟）去亞視，因為佢有破壞冇建設！」

至於吳君如笑言較少留意賭王新聞：「不過佢嘅新聞確係好震撼同引人入勝，我會盡能力『霸』得一格得一格！」被問到好友李嘉欣是否於年初六剖腹產子？她說：「冇咁快呀？我呢幾日冇同佢通電話喎！」此外，呂慧儀及高海寧收起性感，穿上電影T恤宣傳，呂慧儀坦言此舉較方便及安全。