宮澤@AKB48訪港搞喊Fans

AKB48成員宮澤佐江昨日在西九龍中心舉行握手會，場面熱鬧，但同場加插的才藝表演，卻睇到評判藐晒嘴，昨日勝出的隊伍獲宮澤佐江頒獎時更興奮落淚。

日本人氣女子組合AKB48成員、今年20歲的宮澤佐江前日現身西九龍中心出席握手會，原定人數達千人，不過最後僅獲約800名粉絲捧場。

第一次來港宣傳的宮澤自言最開心在酒店欣賞夜景，又想在香港Shopping，反問記者有何好去處，獲知飲茶吃點心後躍躍欲試。對於大批粉絲捧場，她感到既驚且喜，希望將來可以在港開騷獻唱，只是擔心能否與粉絲溝通，亦不介意唱廣東歌。不過宮澤坦言目標是當女優，最欣賞是《花樣男子》的井上真央，亦不介意演反派。

蝦碌百出

當日同場加插才藝表演項目，有7隊參賽者參加，吸引300名粉絲睇熱鬧，宮澤亦睇得相當投入，糖兄妹成員Kandy及AKB48劇場高層擔任評判，不過參賽者中不乏騎呢之輩，蝦碌連場，睇到高層藐嘴。才藝表演分數次進行，勝出者或有機會組港版AKB48。

文：外娛組