疑吸毒過量入院的男星查理辛，已於大前晚出院返家，發言人指他自願入住戒療所，令原本周二復工拍攝《戇男兩個半》的工作要無限期押後，該劇已拍好四分三，但只有兩集存貨。有份在查理家「癲喪」三日三夜吸毒睇鹹片的四仔女星Kacey Jordan大爆他當日叫拆家帶價值近十六萬港元的可卡因喪吸。消息指查理雖然未有吸毒過量，但就三日冇睡覺，更有傳他因睇鹹片笑到肚痛而入院。