唐詩詠潮搶纖上加纖

束腰帶一定令纖腰纖上加纖？非也！星級形象指導Celia Wong教路要成功露纖腰，腰帶質地、粗幼、位置都要諗過度過，否則隨時變成水桶腰！她大讚唐詩詠束得夠緊，纖腰乖乖現身！

唐詩詠 大晒纖腰

「靚！條腰帶束得夠緊，影起條腰更加纖幼，成身顏色襯得好好，最鍾意佢對紅色絲襪，夠搶鏡，一身潮味！」

周麗淇 春意勃發

「嚟緊春夏季好興Sharp嘅顏色，好似橙、藍色咁，黑、橙雖然對比好大，但因為隻橙色係柔和嗰隻，撞出嚟好Sharp唔突兀，好型！」

莊思明 對比過強

「好突然！太大對比喇！我寧願佢用黃色或者紅色腰帶，依家淨係見到條腰，其他乜都見唔到。」

吳君如 發揮作用

「揀啱腰帶，本身件皮褸好Bulky，如果再襯條粗腰帶就會仲累贅，依家顯得幾利落。一身皮味，啱晒型格嘅君如。」

莊思明 對比過強

「好突然！太大對比喇！我寧願佢用黃色或者紅色腰帶，依家淨係見到條腰，其他乜都見唔到。」

Jessica C. 錯揀質地「腰帶質地同條裙唔襯，應該揀啲薄身啲、布質嘅粗黑腰帶，依家咁樣整到條腰好粗吓！」

林鵬 夾硬堆砌

「藍色西裝褸、紅腰帶、白褲，唔係幾Match，腰帶顏色應該襯番同一個Tone，好似金藍、藍或者白色，會順眼啲！」

朱慧敏 欠時代感

「娘到爆！幼Belt加埋對好似芭蕾舞鞋嘅鞋，太鄰家女孩Look，冇乜時代氣息，條裙唔長唔短Cutting，搞到佢肥肥哋！」

周迅 Mix & Match

「雖然裏面係Grand啲嘅晚裝，外面係Casual啲嘅褸，但佢襯得起呢種Mix & Match，件褸束起腰帶，好騷到佢嘅身形。」

何紫綸 勉強過關

「勉強可以，條腰帶束得太低，佢本身條腰幾長，位置太低嘅話會顯得個比例仲怪。」

篠原涼子 多此一舉

「怪到嘔！款式、顏色各方面都係，着乾濕褸根本唔使另外束腰帶，太多此一舉，最多只係束番件褸本身嘅腰帶就夠。」

朱慧敏 欠時代感

「娘到爆！幼Belt加埋對好似芭蕾舞鞋嘅鞋，太鄰家女孩Look，冇乜時代氣息，條裙唔長唔短Cutting，搞到佢肥肥哋！」

Profile

星級形象指導黃欐堯（Celia Wong）畢業於大一藝術設計學院，創立時裝潮牌DaDa Girl，曾擔任陳慧琳御用形象顧問，與不少藝人包括江若琳、謝安琪和孫耀威等合作。

文：專案組