阿Sa準備心情陳家拜年

蔡卓妍（阿Sa）正式跟前夫離婚，回復單身的她昨日出席活動時心情輕鬆自如，阿Sa表示今次離婚上了人生寶貴的一課，但兩人之間從未提過贍養費的事。

昨日阿Sa到海港城擔任《情˙尋朱古力》藝術展覽嘉賓，幫小朋友化妝扮兔仔迎兔年，場面熱鬧。她透露今年情人節將推出全新Single碟，相信會忙於宣傳，無暇跟男友陳偉霆（William）慶祝：「本身諗住新年放假可以去遠啲嘅地方旅行，點知機位好爆、好難Book！（同William去？）唔話你知！不過新年點都會上佢屋企拜年！」

唔吼贍養費

另外，阿Sa早前正式跟前夫辦理離婚手續，問到回復單身是否鬆一口氣？她說：「你都可以咁講嘅，其實大家做呢個決定嗰陣，開始已經輕鬆咗，始終大家仲係朋友。（微博留言講到好似唔稀罕佢啲贍養費？）只係睇咗一啲報道，覺得唔認同大家價值觀，有感而發啫！（慶祝回復單身？）唔係好值得慶祝嘅事，不過算係好寶貴嘅經驗，上咗一堂咁。（贍養費安排？）不嬲都冇提過呢樣嘢！」

活動後，阿Sa在微博上載與混血三姊妹的合照，其中兩位更是Twins，她大讚孖妹可愛，更自爆母性又開始氾濫中。

文：音樂組　攝：鄭家俊