張敬軒轉型整走船頭鼻

林子祥、張敬軒與謝安琪等昨日錄影亞視賀歲節目，張敬軒坦言曾諮詢醫生有關整容的意見，笑言想轉做偶像派歌手。

昨日亞姐王欣、劉曉智、維他芝寶絲娃與林子祥、張敬軒、謝安琪、林嘉綺、蔡淑臻等為亞視錄影《人氣春晚˙唱紅亞洲》賀歲節目，軒仔表示過年後會箍牙，主診醫生為黃婉君（Rosanne）老公，笑言是友情價。問到會否怕外間指他箍牙後相貌有變，他坦言曾有整容的想法：「如果我整容會講，因為以前畀媽咪話我係『船頭鼻』，所以之前都有諮詢過醫生，突然間想走偶像路線。（整關智斌個樣？）哈哈，拎住佢張相話畀個醫生知？」首次於亞視賀歲節目表演的他，希望陳國強入股無綫後，可解決無綫與「四大」的版稅問題，令藝人可與不同媒體合作。

林子祥向新人教路

對於版稅問題，林子祥自言自由身沒有合約：「啲新歌手加入樂壇其實唔一定要簽死一間合約，只要有自己嘅想法、創作、形象就得，咁反而可以輕鬆啲，鍾意做乜都得。」

亞視的跨年賀歲節目安排於年卅晚播出，初一則沒有活動，而無綫年初一的新春活動，外間有傳六叔邵逸夫將會出席派利是，外事部副總監曾醒明說：「出席初一活動嘅名單已經出咗，初步有六叔，但仲未落實，仲有利孝和夫人、梁乃鵬等。」