GiGi男友新年見家長
梁詠琪（GiGi）、官恩娜、鄧紫棋（G.E.M.）、楊思琦、吳家樂與宋熙年等昨日錄影賀年節目《保良福兔喜迎春》，去年大豐收的GiGi準備六位數字派利是，更指其美國駐港領事男友Matthew，將於新年到她家拜年，不過忙於為個唱綵排的她，正為度期而煩惱，而完成個唱後，GiGi有意與同事到熱帶地方旅行，問到男友會否同行？她說：「佢唔係員工。（唔想二人世界咩？）未計劃到咁遠。」
同樣戀愛中的G.E.M.，透露新年會到內地工作，問到會否去台灣到男友林宥嘉家拜年？G.E.M.笑說：「我想去老闆屋企拜年，舊年帶埋細妹去收咗成萬蚊（咁林宥嘉會唔會嚟？）我唔知，你問佢啦！新年想留畀家人。（林宥嘉唔係？）佢第二個姓，我從來冇講過係咩狀態，醉心工作。（情人節點過？）我去睇Janet Jackson。（感情生活點呀？）公司唔畀我分享。」
官恩娜為賀年節目獻唱。
G.E.M.（左）與GiGi相映成趣，認真搞笑。
楊思琦（左起）、宋熙年與吳家樂一起錄節目。