萬綺雯上海發燒痛入老公心
最近香港流感猖獗，圈中人人自危，萬綺雯（蚊蚊）、滕麗名（阿滕）及楊怡都病作一團，令人擔心！蚊蚊昨日聲沙沙出席義工活動時透露，之前在上海數月，扭傷腳又凍到發燒，要入急症室治療：「上海落雪，凍到發燒，要入急症室醫到冇發燒，好番先可以返香港！我都知最近啲流感好勁！老公心痛我病，所以我應承老公要愛惜身體！」
阿滕則因「食錯嘢」而嘔足4日，她更將返內地車程上嘔到累透的相片上載微博：「食咗個冷盤就中招！嘔咗4日，又食唔到嘢，肚都凹晒！（病仲返內地？）嘔頭兩日辛苦到喺屋企冇睇醫生，第三日去廣西登台，接咗又唔推得要頂硬上，喺台上唱到面青青，不過今日返香港已經好番好多！」至於楊怡早前亦因感冒菌入神經而肌肉不受控，導致說話有困難，身在橫店拍劇的她未有回覆，其經理人昨日說：「佢又未嚴重到講唔到嘢，只係講得唔清楚，當時中西合璧下治療，加上休息過，都好番晒！」
萬綺雯早前於上海發燒入急症室，令她體會健康重要性。
滕麗名病到嘔亦不忘上載照片，我見猶憐！