千嬅認學歷高 撐Kay唔囂
楊千嬅和謝安琪（Kay）昨晚一同現身傑青晚會，是繼Kay疑似在頒獎禮上暗寸千嬅學歷低後首次同場，問到千嬅會否尷尬，她說：「冇聽晒佢講咩，當時我喺後台。我學歷都好高，係社會大學First Hon畢業，社會認可，相信佢唔係話我，如果佢有咁嘅學歷，就唔會有咁嘅意思。（覺得佢囂？）唔會，激動有感而發啫！（你點解之後喺微博話『一場遊戲』？）啊！歌迷嗌交，平息吓啫！」此外，千嬅表示與Kay見面不多，但在後台見面都會打招呼，而昨晚兩人亦搭膊合照。
而Kay對於事件表示只是某雜誌亂寫，根本不是事實，假如與千嬅坐得近，會向她解釋兩句，問到兩人平日有否交流？她說：「工作上的確唔多Friend，見到面都係閒話家常。」
千嬅（右）和Kay昨晚出席傑青晚會，否認見面時感到尷尬。