陳慧琳薑茶暖胃怕凍親孖B

陳慧琳（Kelly）宣布再次有喜後，日前佗住孖胎繼續開工拍攝廣告，但她改以平底鞋示人，更自備暖爐及薑茶驅寒，她說：「依家冇嘢比肚入面嘅BB更重要！」

日前Kelly為代言的金至尊拍攝新一輯廣告，以「幸福女人」為主題，由於她腹中懷有孖B，故工作人員特別小心呵護。廣告其中一幕是Kelly一家三口在沙灘玩樂的場面，一向貪靚的她改以赤腳示人，加上拍攝當日寒流襲港，氣溫僅得十度左右，Kelly特別自備暖爐之外，更帶同熱辣辣的薑茶驅寒，她說︰「今次個肚比上次大一倍喎！梗係要多一倍小心，健康唔再係我一個人嘅事，當然要好好保暖，唔可以冷親自己同埋肚入面嘅一對BB，依家冇嘢比肚入面嘅BB更重要！」

恨一家五口玩沙

當Kelly看見小演員紮紮跳玩沙時，她立即母性大發，掛住「蝦餃仔」劉昇，她說：「蝦餃仔都未去過沙灘，希望今次BB出世之後，可以同埋老公一家五口去沙灘玩！（教佢哋游水？）教咗『蝦餃仔』先啦！不過教游水呢啲高難度動作都係留畀老公做，我同佢哋堆沙算喇！」

此外，有報道指Kelly接受了逾30支排卵針才成功人工受孕，她透過助手回應：「係要打針，幾多支唔講喇！OK唔係太痛，可以接受。」