歌手鄭融昨日穿上Iposh背心波點裙出席apm活動，見她一雙手臂略為粗壯，她坦言現時是入行以來最重磅的時期：「其實已經食少咗嘢，依家係一百磅，係多肉咗，不過唔知係咪再發育，加上我跳多咗舞，我胸部肋骨位好似變大隻咁！（有冇換Bra？）唔話你知！不過試衫就發現膊頭位都闊晒！」她透露今年底將會舉行演唱會，故會積極瘦身備戰，問到新年會否希望行桃花運？她說：「我個諗法係唔會去搵，隨遇而安啦！依家跑步練氣練歌最重要！」
鄭融穿上背心裙，露出一雙「肉」臂！
