被廖碧兒狠撇陳豪認賺少咗

陳豪與高海寧昨日出席賀年活動時表演寫揮春，期間高海寧習慣性用手按胸防走光，陳豪竟搞笑地效法！大會大搞噱頭，安排高海寧送上用金盆載着的竹筍給陳豪，取其意「金筍盤」。對於被指為「金筍盤」，陳豪靦腆地說﹕「都開心，不過新年新開始，願望係想搞得掂個咖啡節目！（同廖碧兒分手後少咗賺外快？）係少咗少少，嚟緊睇吓工作點安排啦！（唔敢直望高海寧？）真係唔敢亂望！」高海寧透露稍後會到越南拍飲食節目，還自認有食神，記者隨即拿她與「少年食神」緋聞來開玩笑，她說：「我嘅新年願望就係少啲緋聞，大家都冇乜聯絡。」而她在有份演出的賀歲片《我愛HK開心萬歲》中，飾演性感補習天后，以低胸打扮吸引學生，更被陳法拉指着胸。

另一邊廂，廖碧兒與郭晉安昨晚夾錢慰勞《依家有喜》台前幕後，剛被陳豪「怒撇」的碧兒，被問到陳豪希望新年有新開始，她只透露願望是健康開心及嘗試不同類型工作，問到是否想感情有新開始？她九唔搭八表示姐姐將再生BB，轉換話題。而安仔則透露稍後會與家人及懷孕的太太歐倩怡旅行，又爆倩怡將到澳洲考小型飛機駕駛執照，並坦言擔心太太安全。