肥妹楊秀惠周街Fans

昨日，劇集《仁心解碼》舉行宣傳活動，演員徐子珊與楊秀惠出席，子珊笑指未有出席宣傳的男主角方中信是「失蹤人口」：「佢又喺外地搵奶粉錢呀！我都有打畀佢，叫佢搵多啲番嚟請慶功！」對於佘詩曼因傷未能拍攝《法證先鋒III》，改由張可頤頂上，有份演出的子珊說：「我未同阿佘合作過，希望佢快啲康復。雖然由阿佘改咗可頤，但都係同祥仔（黎耀祥）視帝視后配！」

而於劇中飾演肥妹的楊秀惠則表示觀眾在街上見到她也直呼肥妹，她說：「係肥妹唔係肥婆！肥妹可愛啲，親切啲。我以前入行時都包包面，被人話肥咗都會唔開心，可能係咁所以演得投入啲。」

新劇收視理想，徐子珊（左）與楊秀惠都開心。