黃婉曼谷行事業狂派錢
黃婉曼高薪主持派錢節目，她罕有地性感，穿上紅噹噹名牌衫大晒「事業線」，又自封「獎金小姐」。
黃婉曼與農夫主持派錢節目，她身穿性感服裝上陣，初時不習慣，不時用扇遮掩胸，她說：「件衫係公司安排着嘅，要萬五蚊，咁大個女都冇着過咁貴衫，除非係結婚，否則，我係唔會買咁貴衫着。」她表示每周主持節目六日，節目於新年期間播出，故她笑言希望人人一見她這位「獎金小姐」便發笑。同場的謝安琪（Kay）以嘉賓身份協助宣傳，她表示會在家中收看以作支持。而她亦會以家庭觀眾角度來收看，可以參與互動問答遊戲節目：「我一直都喜歡問答遊戲節目，家庭觀眾又可以參與，所以我會同小朋友一齊睇，從旁引導，一家大小都得益。」
農夫對分酬勞
主持農夫表示收一份人工兩個人分。成員C君說：「唔想觀眾日日見我哋見到悶。（同無綫合約結束？）啱啱約滿，過檔另一個台冇問題，（黃婉曼好性感喎！想一齊做拍檔？）冇，係佢主動話想拍我。」
黃婉曼穿上貴價紅裙，大騷事業線。
謝安琪以嘉賓身份協助宣傳。
農夫約滿無綫，過檔派錢。