洪卓立Sherman即日「婚」分

鍾舒漫（Sherman）與洪卓立（Ken）昨日穿上結婚禮服扮新人，在律師見證下「結婚」，他們情深合唱Sherman的《童話國》，Ken為「新娘」Sherman揭起頭紗時更錫其面珠，場面溫馨浪漫！問Ken為何只錫面而不錫嘴？他笑說：「咁又太誇張！」身旁的Sherman則笑說：「你好似好想錫我呢！」Ken即調皮地表示很多男仔都「恨」錫她：「我錫到，幾勁呀！」

不排除閃電結婚

雖然看來溫馨合拍，不過他們笑言「婚姻」只能維持到晚上，Ken說：「我哋今晚（昨晚）就離婚o架啦！Sherman太好喇！成日講好多道理畀我聽，都係搵個鍾意聽道理o架啦！（你唔鍾意聽咩？）我本人信佛！」他更坦言不排除會秘密閃電結婚：「我可能會去旅行嗰陣，畀Surprise（驚喜）女朋友，之後返香港先補番擺酒。」至於Sherman亦考慮秘密結婚，但不會因一時衝動而嫁人。

Ken突然一親香澤，Sherman顯得頗受落。

「婚禮」吸引多人圍觀，幾可亂真！

洪卓立與鍾舒漫玩結婚，做齊揭頭紗等儀式。