趙彤送祝福:快啲生BB

台灣女主播趙彤(Yedda)去年與霍啟剛出席宴會傳緋聞,對於晶晶宣布退役,意味下一步嫁入霍家,身在台灣準備過新年的Yedda被問到此事時,她直言戥對方開心:「如果到時請我飲一定到!(封大利是?)盡力啦!最緊要佢哋快啲生個BB,佢哋係大家眼中注定一對,真心祝福佢!」曾與霍啟剛傳緋聞的趙彤,被踢爆與他在生日會玩到癲!記者在啟剛朋友的Facebook內,發現啟剛08年生日派對上情緒高漲地開香檳,又與女性朋友親熱合照,當晚包括趙彤、房祖名和莊家彬等為他慶祝,女友晶晶未見在場。

小方劉璇支持決定

曾是香港紀錄保持者的「飛魚」方力申,昨日得悉郭晶晶退役亦送上祝福:「郭晶晶喺中國體育及跳水運動上面貢獻好大,我祝福佢退役後生活更精彩。(晶晶退役感到可惜?)其實做運動員只係人生其中一個階段,所以唔覺得係可惜。」

至於當年是「體操公主」的劉璇,退役後亦投身娛樂圈以歌手、演員及司儀等工作多線發展,對郭晶晶宣告退役,劉璇開心說:「衷心祝福佢,希望抱住運動員精神繼續努力學習。」

前香港游泳代表隊的司徒瑞祈說:「郭晶晶喺跳水界咩榮譽都攞過,可能佢睇到國家隊有接班人,覺得完成自己運動員嘅任務,可以過人生另一個階段,無論係結婚或讀書都好,唔應該覺得可惜,因為佢已經為國家付出好多,佢有咁嘅決定,可能都會唔捨得,或者佢都未必退晒,只係唔再喺戰場,我哋應該開心咁支持佢。」

至於啟剛好友「三毛之父」張樂平外孫詹勝說:「我冇聽過佢結婚嘅消息,佢今日先打畀我,仲問我去唔去重慶踢波!佢都冇提過結婚呢啲嘢,我相信就唔會咁快啦!佢婆婆剛剛過身!新年我會同佢食飯,到時問吓佢!」

方力申祝福郭晶晶退役後生活更精彩。