譚凱琪嘆年紀大返港急御膚

有線藝人譚凱琪為拍攝旅遊節目，每月都要出埠，至今已走遍四分一個地球，雖然增加不少見聞，但皮膚卻不時受罪，她計劃內外夾擊好好調理！ 文：影視組

譚凱琪（Zoie）為拍攝有線電視的旅遊節目，每個月都有機會出發到世界各地拍攝，她直言每個月都會飛2、3個星期，但每次的旅程都很新鮮，每次都不知道自己將去甚麼地方。

Zoie說：「我諗我去咗四分一個地球喇！仲差東歐、非洲同澳洲未去過，自己最想去嘅地方應該係杜拜、埃及同希臘。（經常飛男友有冇詐型？）做得我男友都唔會詐型啦！」

水土不服成面瘡

經常遊覽世界各地，令Zoie豐富了見聞，但皮膚最傷，由時差到影響生理時鐘，再加上各地天氣、水土不一樣，令其白滑肌膚質素大不如前，Zoie說：「有次去新加坡熱得滯，焗到成面都係瘡，之前去意大利又因為凍得滯要日日戴冷帽，又變咗成面瘡，嚟緊都要睇中醫調理番，依家年紀大咗要好注重身體，身體好皮膚自然就好。」

Zoie自言貪靚，除了中醫外，她亦會趁回港到美容院接受護理，誓要以最佳姿態出鏡：「每個女仔都貪靚，尤其係要上鏡，梗係想靚啲啦！」