朱慧敏撇甩男友掘金

每逢農曆新年，不少藝人都北上登台搵銀，無綫藝人朱慧敏（Queenie）亦不例外，稍後會返內地登台，而她跟台灣男友亦感情穩定，兔年可謂愛情事業兩得意！

每個家庭的農曆新年都有自己的習俗，朱慧敏（Queenie）愛跟家人煮鹹湯圓，取其「團圓」之意，她說：「首先用蝦米、冬菇、瘦肉、黃芽白等嚟煲個湯底，之後再落親手搓嘅湯圓就食得！以前細個好鍾意搓到啲湯圓奇形怪狀，覺得好得意。」她在美國讀書時，當地農曆新年氣氛不濃厚，不過她會帶外國同學去唐人街飲茶及欣賞舞龍舞獅，感受中國節日文化。

電話談情

今年農曆新年，Queenie會到內地登台，她每次登台都很開心，因為台下的觀眾十分熱情：「我會唱賀年歌同快歌，因為冇Dancer，惟有自己跟拍子跳十字步！新年啲客都疏爽啲！」雖然男友身在台灣，小情人未必能一齊團年，但靠電話及視像溝通都很窩心，她說：「我哋都係以工作為先，對方嘅家人都好明白，見唔到面唔緊要，大家有心就得！」