N'Gine盼與RubberBand Jam歌

去年四月才Rock住入樂壇的樂隊N'Gine，於去年底奪得「勁爆新登場樂隊」獎，鼓勵很大！主音Dan、結他手Fantasy、Bass手Yiu與鼓手Ray，無論台上台下都Rock味十足，Ray說：「其實我哋夾Band夾咗十幾年，所以默契好好，而未組隊之前都玩咗音樂好多年。」

N'Gine加入樂壇，成為李蘊和劉欣宜的師弟，除幕前工作外，四子另有工作，為演出不時要向老闆請假，問到會否被詐型，他們笑說：「老闆詐型都冇用！講笑啫！佢哋都好支持我哋嘅音樂。」N'Gine去年底推出首張專輯，現已開始錄歌，炮製第二張專輯，Yiu渴望跟RubberBand合作：「兩隊Band同台Jam歌，一定有唔同火花，想試多啲唔同配搭！」

N'Gine四子Yiu、Ray、Dan和Fantasy夾Band十多年，默契十足！