李彩華兔年願望覓真愛

近年轉攻內地市場的李彩華（Rain），不停拍劇登台狂「吸金」，雖然曾受解約風波及簽經理人事宜困擾，惟她直認去年收入不俗，有七位數字進帳，孝順的她還置業送給父母：「層樓都要幾百萬o架！希望今年再買千萬豪宅，等佢哋住得再舒服啲。」

現時仍是單身的Rain，希望兔年能催旺桃花，在情人節前找到真命天子，她說：「希望情人節前會搵到情人陪我，我嘅要求已經降低咗，當然最緊要係雙方有感覺，男朋友要有事業同一定嘅經濟能力，可惜依家仲未遇到。」問到會否求神問卜，Rain說：「以前會，但依家我信咗基督，冇睇相，但傳統節日照樣拜年，但唔會去問卜。」

李彩華展望兔年能覓得真命天子及買千萬豪宅。