嘉兒考滑雪教練牌撻Q呻唔抵

港姐張嘉兒日前放了入行後最長的假期，回溫哥華與家人相聚，這十天假期過得很充實，既去滑雪又去做義工，更差點兒考到教初學者滑雪的教練牌呢！

自參選港姐後，張嘉兒便獨自離家留港發展，雖然香港有姨媽照顧，但居住在溫哥華的母親仍擔心不已，不時催她回溫哥華。日前嘉兒放了入行以來最長的十日假期，今次回溫哥華，連母親都不知情，可謂給母親一個大驚喜！她說：「家人都住喺溫哥華，我兩年冇返去，上次只係逗留咗五日，難得有長假期，點都要返去探屋企人！我一入到屋就聽到媽咪話邊個想要生果，我咪應埋一份囉！佢都嚇咗一跳。（媽咪有冇感動到喊？）咁又冇，不過佢講嘢時把聲已經沙晒！」

未肯帶男友見家長

此外，由細滑雪滑到大的嘉兒不放過機會，此行滑足五日雪，更報讀了一個教初學者的課程，可惜只差一日時間，她就可考到教練牌：「真係好唔抵！原本考埋嗰個試就可以教啲初學者，遲啲等我去韓國考埋呢個試，韓國近好多嘛！」問到此行有否帶男友見家長？她笑說：「冇呀！（媽咪見過男友未？）未呀！不過穩定啲先啦！」